सडक दुर्घटना न्यूूनिकरण गर्न ट्राफिक सचेतना कार्यक्रम दल्दले चोकमा
एसीपी संवाददाता
१२ पुष २०७६, शनिबार १६:३९ मा प्रकाशित
किरण भुर्तेल
पौष १२ गते ।
नवलपुर क्षेत्रमा सवारी दुर्घटना अत्याधिक हुन थालेपछि विभिन्न निकायहरु त्यसको न्यूनिकरणको लागि कृयाशील हुन थालेका छन् । विभिन्न सचेतना मुलक कार्यक्रम संचालन गरे केहि हदसम्म भएपनि दुर्घटना घट्न सक्छ भन्ने आकलन ट्राफिक प्रहरीले गरेपछि अहिले विभिन्न संघ संस्थाले यस्ता कामहरु गर्न थालेका छन् ।
नवलपुर ड्राइभिङ ब्यवसायी संघ र ड्याड नेपालको संयुक्त आयोजनामा नवलपुरको दल्दलेमा सडक दुर्घटना न्यूनीकरणका लागि ट्राफिक सचेतना कार्यक्रम गरियो । सवारी दुर्घटनाका कारणहरु र त्यसबाट बच्ने उपायहरु लेखिएका प्पम्प्लेटसमेत आयोजकले वितरण गरेका छन् । फलफुल चोकमा प्रहरीको समन्वयमा सचेतना मूलक कार्यक्रम गरिएको संघका अध्यक्ष प्रबिन सापकोटाले बताए । आफूुहरु बिशेष गरी सवारी साधनसँग जोडिने व्यवसायी भएकाले आम मानिसहरुलाई सचेत बनाउनुु आफुहरुको दायित्वको महशुस गरि यस्तो अभियान चलाएको संघका उपाध्यक्ष ठाकुर कोइरालाले बताए । सेचतना कार्यक्रममा प्रहरी, ट्राफिक प्रहरी , अटो ब्यवसायी, पत्रकार, चालक , सहचालक तथा स्थानीय समेत सहभागी बनेका थिए ।
अभियान नवलपुरको महेन्द्र राजमार्ग अन्तर्गतका सम्पुर्ण मुख्य मुख्य चोकहरुमा संचालन गर्दै लैजाने र बिस्तारै सडक हुदै विद्यालय,कलेज हरुमा पनि संचालन गरिने ड्याड नेपालका प्रतिनिधिले जानकारी दिएका छन।अभियान अन्तर्गत आगामी कार्यक्रम देवचुलिको शास्वत धाम अगाडी गरिने पनि आयोजकले जानकारी दिएका छन।
सम्बन्धित खबर
