सेनाले भारतबाट दुई करोड ४० लाख नेपाली रुपैयाँ बराबरको औषधि खरिद गर्ने
एसीपी संवाददाता
१० बैशाख २०७७, बुधबार ०७:३५ मा प्रकाशित
नेपाली सेनाले सरकार–सरकार (जीटुजी) प्रक्रिया अनुसार भारतबाट एक करोड ५० लाख भारतीय रुपैयाँ अर्थात् (दुई करोड ४० लाख नेपाली रुपैयाँ) बराबरको औषधि खरिद गर्न लागेको छ ।सेनाले भारतबाट कोरोना भाइरस रोकथाम र नियन्त्रणको बेलाका आवश्यक पर्ने ५३ थरीका औषधि ल्याउन लागेको हो । सेनाले ल्याउन लागेका यी औषधिहरु भारत सरकारले उपलब्ध गराएकैबाट ल्याउन लागिएको हो ।सैनिक प्रवक्ता विज्ञानदेव पाण्डेका अनुसार उक्त औषधि खरिदको लागि सेनाले रक्षा मन्त्रालयमार्फत परराष्ट्र मन्त्रालयलाई पत्राचार गर्न लागेको छ ।सेनाले भारतलाई त्यहाँ रहेको औषधिहरु र स्वास्थ्य सामग्रीको सम्बन्धमा पत्राचार गरेको थियो ।
जसको उत्तरमा भारतले आफूसँग ५३ थरीका औषधिमात्र उपलब्ध भएको र त्योमात्र दिन सक्ने जानकारी दिएको थियो ।त्यसपछि सेनाले भारतलाई ती औषधिको सूची र मूल्य पठाउनको लागि पत्राचार गरेको थियो । त्यही अनुसार सेनाले औषधिको अन्तिम सूची तयार गरेर बुधबार रकम निकासा गर्न लागेको हो ।सेनाले यसअघि नै अर्को छिमेकी मुलुक चीनसँग करिब २ अर्ब २६ करोड रुपैंयाको स्वास्थ्य सामग्रीको काम अघि बढाइसकेको छ । सभार कान्तिपुर
सम्बन्धित खबर
नरैनापुरमा पर्यटनको सम्भावना
३ दिन अगाडि
जानकी मन्दीरमा बिहानको आरतीमा बालेन सहभागी
३ दिन अगाडि
बालेन्द्र शाह र पुर्बयुवराज पारस एउटै होटेलमा
३ दिन अगाडि
