नेपालमा शुक्रबारदेखि लगातार ५ दिन सार्वजनिक बिदा, सरकारी कार्यालयहरू बन्द रहने
एसीपी संवाददाता
१८ भाद्र २०८३, बिहीबार २१:११ मा प्रकाशित
काठमाडौँ — नेपालमा आगामी शुक्रबारदेखि लगातार पाँच दिनसम्म सार्वजनिक बिदा पर्ने भएको छ। बिहीबार बसेको मन्त्रिपरिषद्को बैठकले विभिन्न महत्वपूर्ण निर्णयहरू गर्दै थप दुई दिन बिदा दिने घोषणा गरेसँगै लगातार ५ दिन सार्वजनिक बिदा हुने निश्चित भएको हो।
यसअनुसार पर्व, साप्ताहिक बिदा तथा सरकारले घोषणा गरेका विशेष शोक र दिवसहरू जोडिन पुग्दा शुक्रबारदेखि मंगलबारसम्म सरकारी कार्यालय तथा सार्वजनिक निकायहरू बन्द रहनेछन्।
भदौ १९ गते (शुक्रबार): गौरा पर्व र श्रीकृष्ण जन्माष्टमीको अवसरमा सार्वजनिक बिदा , २० गते (शनिबार): नियमित साप्ताहिक बिदा , २१ गते (आइतबार): नियमित सार्वजनिक बिदा , २२ गते (सोमबार): बाढी तथा विपद् घटनामा ज्यान गुमाएका नागरिकहरूको सम्मानमा राष्ट्रिय शोक बिदा , २३ गते (मंगलबार): जेन-जी आन्दोलनका शहीदहरूको सम्झनामा देशभर सार्वजनिक बिदा।
सरकारले हालै गएको भोटेकोशी तथा रसुवा क्षेत्रको बाढी प्रकोपमा परी ज्यान गुमाएकाहरूप्रति समवेदना प्रकट गर्न र राष्ट्रिय शोक मनाउन भदौ २२ गते बिदा दिने निर्णय गरेको हो। यसैगरी, गत वर्षको जेन-जी आन्दोलनमा ज्यान गुमाएका शहीदहरूको सम्झना र सम्मानस्वरूप भदौ २३ गते मंगलबार देशभर सार्वजनिक बिदा दिने मन्त्रिपरिषद्ले निर्णय गरेको छ।
सम्बन्धित खबर
