राष्ट्रिय क्रिकेट टिमका विकेटकिपर ब्याट्सम्यान विनोद भण्डारी कोरोना संक्रमणमुक्त
एसीपी संवाददाता
२२ पुष २०७७, बुधबार १९:०७ मा प्रकाशित
नेपाली राष्ट्रिय क्रिकेट टिमका विकेटकिपर ब्याट्सम्यान विनोद भण्डारी कोरोना संक्रमणमुक्त भएका छन् ।
चितवनमा भएको गौतमबुद्ध कपपछि कोरोना पोजेटिभ देखिएको र तीन सातापछि कोरोना संक्रमणबाट मुक्त भएको उनले जनाएका छन् ।
‘२१ दिनको आइसोलेसनपछि मेरो कोभिड परीक्षण नेगेटिभ आएको जानकारी गराउन पाउँदा एकदमै खुशी छु’ भण्डारीले सामाजिक सञ्जाल फेसबुकमा लेखेका छन् ।
गौतमबुद्ध कपको फाइनल खेलपछि उनलाई ज्वरो आएको थियो । त्यसपछि आइसोलेट भएर परीक्षण गर्दा संक्रमण पुष्टि भएको थियो ।
‘अहिले म ठीक हुँदै र स्वास्थ्य राम्रो छ । यो कठिन समयमा सपोर्ट गर्ने सबैलाई धन्यवाद । सुरक्षित बस्नुहोस्’ विनोदले भनेका छन् ।
बागमती प्रदेश क्रिकेट संघको आयोजनामा मंसिर २७ देखि ३० गतेसम्म चितवनमा भएको गौतमबुद्ध कप क्रिकेट प्रतियोगिताको उपाधि विनोदको कप्तानीमा रहेको भेरीले जितेको थियो ।
कोरोना संक्रमणकै कारण गौतमबुद्ध कप गुमाएका अलराउण्डर पारस खड्का पनि दुई दिनअघि कोरोना मुक्त भएका थिए । अनलाइनखबर
