सातौं संस्करणको प्रधानमन्त्री कप महिला भलिबल प्रतियोगिता भोलिदेखि
एसीपी संवाददाता
२० फाल्गुन २०७७, बिहीबार १७:३२ मा प्रकाशित
सातौं संस्करणको प्रधानमन्त्री कप महिला भलिबल प्रतियोगिता भोलिदेखि सुरु हुँदैछ । प्रतियोगिताको सम्पूर्ण तयारी पूरा भएको आयोजक बाँके जिल्ला भलिबल संघले जनाएको छ । २५ गतेसम्म हुने प्रतियोगिताको विजेताले यसपटक ५ लाख रुपैयाँ पाउने भएको छ ।
गत वर्ष विजेतालाई २ लाख रुपैयाँ दिइएको थियो । यसपटक दोस्रो हुनेलाई दुई लाख, तेस्रोलाई एक लाख र चौथो हुनेलाई ५० हजार रुपैयाँ पुरस्कार छ । यो संस्करणमा पाँच टिमको सहभागिता हुनेछ । भारतीय टिम भने नआउने भएका छन् ।
नेपाल प्रहरी, एपीएफ, त्रिभुवन आर्मी, न्यू डायमण्ड र लुम्बिनी प्रदेश प्रतियोगितामा सहभागी हुनेछन् । आज प्रतियोगिता मूल आयोजक समितिका संयोजक लुम्बिनी प्रदेश सांसद् कृष्णा केसी नमुना, बाँकेका स्थानीय तहका उपप्रमुख, प्रतियोगिताका सद्भावना दूत मिस नेपाल नम्रता श्रेष्ठको उपस्थितिमा टिम, पुरस्कार राशी र ट्रफी सार्वजनिक गरिएको हो ।
सम्बन्धित खबर
