भारत र जापानका नौसेनाले गरे संयुक्त अभ्यास
एसीपी संवाददाता
१ असार २०८१, शुक्रबार २३:०३ मा प्रकाशित
काठमाडौं – भारत र जापानले संयुक्त नौसैनिक अभ्यास सञ्चालन गरेका छन् । जापानको योकोसुकामा दुई मुलुकका नौसैनिकबीच संयुक्त अभ्यास सञ्चालन भएको हो ।
भारतीय समाचार संस्था एएनआईका अनुसार यस अभ्यासमा भारतले आईएनएस शिवालिक परिचालन गरेको छ ।
योकोशुकामा आईएनएस शिवालिकलाई जापानका लागि भारतीय राजदूत सिबी जर्ज र जापानी नौसेनाका कमाण्डर भाइस एडमिरल इटो हिरोशीले स्वागत गरेको भारतीय रक्षा मन्त्रालयले जानकारी दिएको छ ।
यी दुई मुलुकबीच सन् २०१२ यता संयुक्त नौसैनिक अभ्यास सञ्चालन हुँदै आएको छ । भारतीय रक्षा मन्त्रालयले यस संयुक्त नौसैनिक अभ्यासले दुई मुलुकका नौसेनाबीचको सहकार्यलाई थप मजबुत बनाउने उल्लेख गरेको छ ।
यस अभ्यासले दुबै मुलुकका नौसेनालाई एक अर्काको नौसैनिक रणनीति एवम् युद्ध लड्ने कलाबारे परिचित गराउने विश्वास लिइएको छ ।
सम्बन्धित खबर
नेपालगञ्जमा ३५.९०० ग्राम खैरो हेरोइनसहित दुई जना पक्राउ
३ घण्टा अगाडि
