मुस्लिम समुदायले सबैभन्दा बढी शिक्षामा जोड दिनु पर्छ’ उपमेयर राई
एसीपी संवाददाता
३० आश्विन २०८१, बुधबार ११:३६ मा प्रकाशित
बाँकेको नेपालगन्जमा रहेको देश कै सबै भन्दा ठुलो मदरसा जामियतुल मदिनामा भएको अर्धवार्षिक परिक्षामा उत्कृष्ट भएका ३७ जना बिधार्थीलाई आज शनिवार एक कार्यक्रमका विच पुरस्कृत गरिएको छ । 
कार्यक्रमका प्रमुख अतिथी नेपालगन्ज उपमहानगरपालिकाका उपमेयर कमरुद्दीन राईले नेपाली मुस्लिम समुदायले सबैभन्दा बढी शिक्षामा जोड दिनुपर्ने भन्दै मुस्लिम समुदाय शिक्षामा निकै पछाडि परेकाले शिक्षा क्षेत्रमा विशेष कार्यक्रम सञ्चालन गर्न आवश्यक रहेको बताउनुभयो ।
उहाँले शिक्षालाई व्यवस्थित गर्दै मदरसा शिक्षालाई मूलधारमा ल्याउन मदरसाको व्यवस्थापनका लागि तीन वटै सरकारको भुमिका प्रभावकारी बनाउनुपर्नेमा जोड दिनुभयो । उपमेयर राईले जामियतुल मदिनाले धार्मिक मात्र नभएर आधुनिक शिक्षालाई प्राथमिकतामा राखेर अगाडि बढेको भन्दै प्रशंसा समेत गर्नु भयो । राईले उत्कृष्ट बिधार्थीहरुलाई बधाई दिदै नगद राशीले सम्मान गर्नु भएको थियो ।
जामा मस्जिद संचालक समिति सदस्य सदस्य मोहम्मद ज्याउहक हल्वाइले भन्नुभयो,“मदरसा शिक्षालाई मूल प्रवाहीकरण वा सामुदायिकीकरण गर्नु राम्रो हो । सरकारले मुस्लिम समुदायको धार्मिक आस्था, मूल्य मान्यताका आधारमा थप व्यवस्थापनको काम गर्नुपर्छ, अन्यथा यसले थप जटिलता निम्त्याउन सक्छ ।”
जामियतुल मदिनामा नेपाली, अंग्रेजी, गणित, विज्ञान विषयका साथै उर्दु, आरबीमा समेत अध्ययन भइरहेको बताउदै मदिनाका धर्म गुरु मुफ्ति फजल हकले भन्नुभयो, मदरसाको विकास, समृद्धि एवम् व्यवस्थित रूपमा अगाडि बढाउन आफुहरु गम्भीर भएर लागेको बताउनु भयाे । उहाले भन्नुभयो, जामियतुल मदिनामा इस्लामीक डिग्री सम्म अध्ययन भइरहेको छ भने नेपाल र भारतका करिब ५ सय भन्दा बढी बिधार्थीहरु अध्ययनरत रहेको जानकारी दिनु भयो ।
अर्धवार्षिक परिक्षामा प्रथम, दृतिय र तृतिय भएका ३७ जना विद्यार्थीहरुलाई उपमेयर कमरुद्दीन राई,अडिटर मोहम्मद जुबेर राई, रेडियो नेपालका संवाददाता आलम खान, मोहम्मद ज्याउहक हल्वाइ, मुस्लिम अगुवा मुस्ताक अन्सारी, हाजी अनिस लगायतले पुरस्कार बितरण गर्नु भएको थियो
सम्बन्धित खबर
