नेपालगन्ज । जिल्ला प्रहरी कार्यालय बाँकेमा फौजदारी कसुरको अनुसन्धान सम्बन्धमा अन्तरक्रिया गरिएको छ । जिल्ला प्रहरी बाँके परिसरमा शुक्रबार जिल्ला अदालत बाँकेका न्यायाधीश भिष्मराज प्रसाईंको प्रमुख आतिथ्यतामा फौजदारी कसुरको अनुसन्धान सम्बन्धमा सम्बन्धित सरोकारवाला निकायहरुसँग अन्तरक्रिया कार्यक्रम गर्दै प्रशिक्षण दिइएको प्रहरी नायब उपरिक्षक आयुष जोशीले बताउनुभयो ।

कार्यक्रममा फौजदारी कसुरका बारेमा अनुसन्धान कसरी गर्न सकिन्छ भन्ने बारेमा न्यायाधीश प्रसाईं, जिल्ला सरकारी वकिल कार्यालयका प्रमुख लगायत अधिवक्ताहरुले प्रशिक्षण दिएका थिए ।

कार्यक्रममा जिल्ला प्रहरी प्रमुख प्रहरी उपरिक्षक तुलबहादुर कार्की, प्रनाउ जोशी लगायत प्रहरी इकाई प्रमुख रहेका प्रहरी अधिकृत, जिल्ला प्रहरी कार्यालयका अपराध अनुसन्धानमा कार्यरत अधिकृत तथा जुनियर अधिकृतहरुको पनि सहभागिता रहेको थियो ।