हिन्दी सिनेमाका सुपर स्टार कलाकार गोबिन्दालाई लायो गोलि , खतरा मुक्त रहेका श्रोतको दावी
एसीपी संवाददाता
१५ आश्विन २०८१, मंगलवार १०:०४ मा प्रकाशित
“बलिउड अभिनेता तथा शिवसेना नेता गोविन्दा घाइते भएका छन्। लाइसेन्स प्राप्त रिभल्भर सफा गर्ने क्रममा उनको घुँडामा गोली लागेको थियो। उनलाई उपचारको लागि नजिकैको अस्पतालमा लगिएको छ।
यो घटना मंगलबार बिहान करिब ४.४५ बजे भएको हो । गोविन्दालाई आईसीयूमा राखिएको प्रहरी स्रोतले जनाएको छ । उनको अवस्था खतरामुक्त रहेको बताइएको छ । यस घटनाबारे अस्पतालले अहिलेसम्म कुनै जानकारी दिएको छैन । गोविन्दाका परिवारले यस सम्बन्धमा छिट्टै बयान दिने बताएका छन् ।
मुम्बई पुलिसका अनुसार गोविन्दाको लाइसेन्स प्राप्त रिभल्भरबाट गल्तिवश गोली चलेको थियो, जुन उनको खुट्टामा लागेको थियो। गोविन्दा आफ्नो लाइसेन्स प्राप्त रिभल्भर जाँच गर्दा बाहिर जाने तयारी गरिरहेका थिए । यसैबीच, यो संयोगवश गलत फायर भयो। गोली उनको घुँडा नजिकै लागेको थियो र उनको हाल मुम्बईको क्रिटी केयर अस्पतालमा उपचार भइरहेको छ। हिन्दी सिनेमाका सुपर स्टार र सुपर डान्सर गोबिन्दाको ससुराली नेपाल बाट पनि सबै ले लामो आयुको प्रार्थना स्वास्थ्य हुने शुभु आशिर्वाद दिएका छ्न ।
सम्बन्धित खबर
