माटो कलाको उत्थान हाम्रो पहिचानका बारेमा नेपालगन्जमा छलफल
एसीपी संवाददाता
६ कार्तिक २०८१, मंगलवार १३:२९ मा प्रकाशित
स्थानीय कला सस्कृतिको सरंक्षण अभियान माटो कलाको उत्थान हाम्रो पहिचानका बारेमा नेपालगन्जमा छलफल गरिएको छ । द मदर फाउण्डेसन ललितपुर र नेपालगन्ज उपमहा नगरपालिकाको सयुक्त अयोजनामा भएको स्थानीय कला संस्कृतिको संरक्षण तथा प्रबद्र्धनमा जोड दिइएको थियो ।
नेपालगन्ज उपमहनगरपालिका प्रमुख प्रशान्त विष्टले माटो कलमको सरंक्षण सम्वर्धन र विकासका लागि सहयोग गर्ने प्रतिबद्धता गर्नुभयो । द मदर फाउण्डेसनका संस्थापक डा.सलाहुद्दिन अख्तर सिद्दिकीको अध्यक्षतामा सम्पन्न कार्यक्रममा कुम्हार प्रजापति सघंका अगुवा राकेश कुम्हाल, कसगर समाजका अगुवा रसिद अली कसगर, नागरिक समाजका तर्फबाट सुदिप भट्ट लगायतले बोल्नु भएको थियो ।
माटो कला संरक्षण गर्न समिति निमार्ण
त्यस अवसरमा माटो कला सरंक्षण विकास सम्वर्धनका लागि सात सदस्यीय समिति निमार्ण गरिएको छ । समितिमा रसीद अली कसगर, राकेश कुम्हाल, मो.हुसेन कसगर, यासीन कसगर, मेहदी हसन कसगर, निजमामुद्दिन कसगर, राजेन्द्र प्रजापति रहनुभएको छ ।
समितिको सल्लाहकारमा अधिवक्ता विश्वजीत तिवारी रहनु भएको छ भने संरक्षकमा द मादर फाउण्डेसनका संस्थापक डा.सलाहुद्दिन अख्तर सिद्दिकी रहनुभएको छ ।
सम्बन्धित खबर
