नेपालगंज मेडिकल कलेजको शिक्षण अस्पतालमा कर्मचारी व्यवस्थापन सम्बन्धमा महत्वपूर्ण निर्णय
एसीपी संवाददाता
१७ माघ २०८१, बिहीबार १३:०४ मा प्रकाशित
नेपालगंज, बाँके — संजिवनी कलेज अफ मेडिकल साइन्सेज प्रा.लि (साविक नेपालगंज हस्पिटल रिसर्च एण्ड ट्रेनिङ्ग सेन्टर प्रा.लि.ले संचालन सम्बन्धमा महत्वपूर्ण निर्णय गरेको छ। यस अस्पतालको पूर्वाधार लिजमा संचालन गरिएको थियो भने अब कम्पनीले आफैंले संचालन गर्ने निर्णय गरेको छ।
कम्पनीको २०८१ वैशाख ११ गतेको सञ्चालक समितिको बैठकले अस्पतालको नवीकरण र स्तरोन्नतीका लागि लुम्बिनी प्रदेश स्वास्थ्य मन्त्रालयमा स्वीकृति प्रक्रिया अगाडि बढाएको छ। साथै, पूर्वाञ्चल विश्वविद्यालयबाट स्थगन भएका कार्यक्रमहरू पुनः संचालन गर्ने प्रक्रिया पनि सुरु भएको छ।
यस सम्बन्धमा कम्पनीले शिक्षण अस्पतालमा कार्यरत सम्पूर्ण कर्मचारीहरूलाई २०८१/११/१५ गतेसम्म यस परिसरबाट लैजाने व्यवस्था गर्न अनुरोध गरेको छ। यस निर्णयले अस्पतालको संचालन र कर्मचारी व्यवस्थापनमा ठूलो परिवर्तन ल्याउने देखिन्छ।
स्थानीय स्वास्थ्य सेवा र चिकित्सा शिक्षामा यस निर्णयको प्रभाव के हुने भन्ने बिषयमा स्थानीय नागरिकहरू र स्वास्थ्यकर्मीहरू बीच चासो बढेको छ।
सम्बन्धित खबर
