बाल अधिकार, संरक्षण, समावेशी सिकाइ वातावरण र मानव बेचबिखन विरुद्ध अभिमुखीकरण सम्पन्न
एसीपी संवाददाता
६ भाद्र २०८२, शुक्रबार १७:१७ मा प्रकाशित
भाद्र ५ ,राजापुर
बाँके युनेस्को क्लबको आयोजना र प्लान इन्टरनेशनल नेपालको साझेदारीमा जनचेतना माध्यमिक विद्यालय, राजापुरमा बाल अधिकार, बाल संरक्षण, समावेशी सिकाइ वातावरण तथा मानव बेचबिखन विरुद्ध अभिमुखीकरण कार्यक्रम सम्पन्न गरिएको छ।
विद्यालय समुदायलाई बाल अधिकार र संरक्षणप्रति सचेत र संवेदनशील बनाउँदै बालमैत्री, सुरक्षित र समावेशी सिकाइ वातावरण निर्माणमा योगदान पुर्याउनुका साथै मानव बेचबिखनजस्ता अपराध रोकथाममा सामूहिक प्रतिबद्धता जगाउने उद्देश्य संचालित सो कार्यक्रममा विद्यालय व्यवस्थापन समिति, शिक्षक अभिभावक संघ, बाल क्लब, प्रधानाध्यापक सहित सरोकारवालाको सक्रिय सहभागिता रहेको थियो।
सुरक्षा परियोजनाका कार्यक्रम संयोजक इश्वर बिकले सहजीकरण गर्दै बालबालिकाको मौलिक अधिकार, विद्यालयमा बाल संरक्षणका आधारहरू, सबैलाई समेट्ने समावेशी सिकाइ वातावरण निर्माणका आवश्यकता तथा मानव बेचबिखनका जोखिम र रोकथामका उपायहरूबारे विस्तृत प्रस्तुत गर्नुभयो। उहाँले बालमैत्री, सुरक्षित र समावेशी विद्यालय वातावरणले मात्र बालबालिकाको समुचित विकास सुनिश्चित गर्न सक्नेमा जोड दिनुभयो भने कार्यक्रमको सञ्चालन भने फिल्ड सुपरभाइजर प्रमिषा थारु ले गर्नुभएको थियो ।
कार्यक्रम मा बोल्दै विधालयका निमित्त प्रधानाध्यापक शुबास खत्री ले बिधालयलाइ बालमैत्री ,सुरक्षित र समाबेशी बनाउनको लागि निरन्तर प्रयासरत रहेको कुरामा जोड दिनु भयको थियो साथै बिधालयले बाल सरक्षण नीति बनाई कार्यन्वयन गरेको साथै गुनासो सुनुवाई कार्यविधि अनुसार काम बयाको कुरा बताउनु भयो । 
सम्बन्धित खबर
