बुधवार पाकिस्तान सरकारले पेट्रोलमा २२ रुपैयाँ र हाईस्पीड डिजेलको मूल्य १७ रुपैयाँ बढाउने निर्णय गरेको थियो । मूल्य बढेपछि पाकिस्तानमा पेट्रोल २७२ रुपैयाँमा र हाईस्पीड डिजेल २८० रुपैयाँमा प्रतिलिटर उपलब्ध हुनेछ ।

मट्टितेलको मूल्य पनि अहिले प्रतिलिटर २०२ रुपैयाँ पुगेको छ । यति बेला पाकिस्तान विदेशी मुद्रा सञ्चित खाली हुने खतरासँग जुधिरहेको छ । पाकिस्तानसँग एक महिनाको आयातका लागि मात्रै डलर बाँकी छ । जनवरीमा पाकिस्तानको वार्षिक मुद्रास्फीति दर २७ प्रतिशत थियो ।

यो पाकिस्तानमा सन् १९७५ पछिको उच्च मुद्रास्फीति हो । गत हप्ता पाकिस्तानी रुपैयाँ डलरको तुलनामा २७५ पुगेको थियो । गत वर्ष यो दिन लगभग १७५ थियो ।