बाँकेमा थप १४ जना कोरोना संक्रमित,देश भर संक्रमित संख्या ५०७ पुष्टि
एसीपी संवाददाता
९ जेष्ठ २०७७, शुक्रबार १२:५२ मा प्रकाशित
बाँकेमा आज थप १४ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार नरैनापुरमा अरु १३ जना थपिएका छन् भने राप्तीसोनारीमा पहिलोपटक एक जनामा संक्रमण देखिएको छ । नरैनापुरमा मात्रै संक्रमितको संख्या ८७ पुगेको छ भने बाँकेका ४ वटा स्थानीय तहमा संक्रमण देखिएको छ ।
जिल्लामा संक्रमितको संख्या १ सय १५ पुग्दा १ जनाको मृत्यु भएको छ । ७० जना निको भएका छन भने ३ जनाको मृत्यु भएको छ । नेपालमा कोरोना संक्रमितको संख्या ५०७ पुगेको छ । स्वास्थ्य तथा जनसंख्या मन्त्रालयले शुक्रबार दिउँसो थप २०जनामा कोरोना संक्रमण पुष्टि भएको जनाएको हो । मन्त्रालयले शुक्रबार आयोजना गरेको नियमित मिडिया ब्रिफिङमा प्रवक्ता डा.विकास देवकोटाले संक्रमित हुनेमा कैलाली जिल्लाका ३ जना, डडेलधुराका १ जना, बैतडीका १ जना, बाँकेका १४ जना र मोरङका १ जनामा कोरोना संक्रमण देखिएको बताए । शुक्रबार बिहान थप ३० जनामा संक्रमण पुष्टि भएको थियो । डडेलधुरा र बैतडीमा पहिलोपटक संक्रमण देखिएको हो । बाँकेको खजुरा गाउँपालिकास्थित सुशील कोइराला प्रखर क्यान्सर अस्पतालमा रहेको कोरोना विशेष आइसोलेसनमा २१ जना कोरोना संक्रमित निको भएर घर फर्किएका छन् ।
सम्बन्धित खबर
