सोमबार देशभरमा इद उल फित्र पर्व मनाउँदै
एसीपी संवाददाता
१२ जेष्ठ २०७७, सोमबार ०९:३० मा प्रकाशित
अरबी पात्रो हिजरी संवत्अनुसार दशौँ महिना (सौवाल)को सोमबार देशभरका मुसलमान समुदायले विशेष नमाज पाठ गरी ठूलाबडाबाट आशीर्वाद लिएर इद उल फित्र पर्व मनाउँदैछन् । लकडाउका बावजुद नेपालगंजमा इदगाहमा धेरै जनाको उपस्तिथी रहेको थियो । देशमा लकडाउका बेलामा सबै धर्मिक स्थल बन्दगर्ने प्रशासनको आदेशलाई न मान्ने र धर्मिक संस्था इदगाह किन प्रबेश दिएका थाहा छैन । जब कि निरन्तर मुस्लिम समुदायका अगुवाहरुल्े घरमै नमाज अदा गर्ने भनेका थिए । दशौँ महिनाको पहिलो दिन सोमबार विशेष नमाज पाठ गरेपछि तीन दिनसम्म आफूभन्दा ठूलाबडा कहाँ गएर आशीर्वाद लिइन्छ । यस पर्वमा आफूभन्दा सानालाई आशीर्वाद दिने गरिन्छ । आशीर्वाद लिन आउने आफन्तलाई सेवई र खजुरलगायत मीठा खानेकुरा खान दिने चलन छ ।
खुशीपूर्वक दान गरेर दीनदुःखीलाई बाँडिने भएकाले यो पर्वलाई इद उल फित्र भनिएको हो । अरबी पात्रोअनुसार नवौँ महिनाको अन्तिम दिन चन्द्रमा देखिएपछि इद उल फित्र मनाउने कार्यक्रम तय हुने भए पनि यस वर्ष शनिबार बेलुकी चन्द्रमा नदेखिएको नेपाली जामे मस्जिदका सचिव मन्सुर हुसेनले राससलाई जानकारी दिए । अरबी पात्रोअनुसार कुनै पनि महिना ३१ दिनको नहुने भएकाले आइतबार बेलुकी अर्थात् ३० औँ दिन चन्द्रमा नदेखिए पनि त्यसपछिको दिनलाई १०औँ महिना मानिन्छ । यसैकारण सोमबार इद उल फित्र पर्व मनाउन लागिएको नेपाली जामे मस्जिदका अध्यक्ष अब्दुल मोहम्मद समीमले बताए ।
सम्बन्धित खबर
