राम मन्दिर निर्माण कार्य आरम्भ अवसरमा ,बुधबार नेपालगंज त्रिभुवन चोकमा दिप प्रज्ज्वलन
एसीपी संवाददाता
२१ श्रावण २०७७, बुधबार १४:३२ मा प्रकाशित
श्याम शाहु नेपालगंज । बुधबार भारतको आयोध्यामा राम मन्दिर निर्माण कार्य आरम्भ हुन लागेको अवसरमा विश्व हिन्दू परिषद नेपाल र बिभिन्न संस्थाहरुले उत्सव मनाएको छ ।
भारतको अयोध्यामा श्रीराम मन्दिर निर्माण हुनु गौरवको क्षण भन्दै बुधबार नेपालगंजको त्रिभुवन चोकमा दिप प्रज्ज्वलन गरेको छ । कोरोना संक्रमणका कारण स्थानीयस्तरमा भजन किर्तन, शोभा यात्रा र दिपावली जस्ता कार्यक्रम घर घरमा गर्ने समेत जनाएको छ ।
आज बुधवार साँझा आ आफ्नो घरमा दीप प्रज्ज्वलन गरेको हिन्दू धर्मावलम्बीहरुले खुशी मनाएको छ । भारतको अयोध्यामा सन् १५२८ मा राम मन्दिर भत्काएर बाबरी मस्जिद निर्माण गरिएको थियो ।
पछिल्लो पटक हिन्दूहरुले बाबरी मस्जिद भत्काएर राम मन्दिर बनाउन लागेपछि लामो समय भारतको अदालतमा मुद्दा चलेको थियो ।
भारतको सर्वोच्च अदालतले अयोध्यामा राम मन्दिर बनाउन बाटो खुला गरेका कारण आज नेपालगंजमा हिन्दु धर्मावलम्बीहरुले दिप प्रज्जवलन गरेका हुन ।
सम्बन्धित खबर
