नेपालगंजमा कोरोनाबाट ८५ बर्षीया महिलाको मृत्यु
एसीपी संवाददाता
२३ आश्विन २०७७, शुक्रबार ०४:०७ मा प्रकाशित
कोरोना भाइरस संक्रमणबाट नेपालगन्जमा थप एकजनाको मृत्यु भएको छ । नेपालगन्ज उपमहानगरपालिका वडा नम्बर १ धम्वोजीकी ८५ बर्षीया महिलाको भेरी अस्पताल नेपालगन्जमा विहीबारराती मृत्यु भएको हो ।
श्वासप्रश्वासमा समस्या देखिएपछि बुधवार उनलाई नेपालगन्ज मेडिकल कलेज शिक्षण अस्पतालमा लगिएको थियो । त्यहाँ आईसीयू नभएपछि उनलाई भेरी अस्पतालको प्रि(आइसोलेसनमा भर्ना गरेर उपचार सुरु गरिएको थियो ।
कोभिडको आशंकामा विहीबार स्वाव संकलन गरिएको थियो । तर उनको उपचारकै क्रममा राती ९ बजे मृत्यु भयो । उनी लामो समय दमको विरामी भएको अस्पतालले जनाएको छ ।
कोरोना पुष्टि भएको रिपोर्ट भने शुक्रबार विहान ७ बजेमात्र आएको हो । योसँगै बाँकेमा कोरोना भाइरस संक्रमणबाट मृत्यु हुनेको संख्या २३ पुगेको स्वास्थ्य कार्यालय बाँकेका कोरोना फोकल पर्सन नरेश बाबु श्रेष्ठ जानकारी दिएका छन् ।
सम्बन्धित खबर
