बाँकेमा जिल्ला बाहिरका कोरोना संक्रमणका कारण थप एक जनाको मृत्यू
एसीपी संवाददाता
३० कार्तिक २०७७, आईतवार ०६:०९ मा प्रकाशित
बाँकेमा जिल्ला बाहिरका कोभिड १९ कोरोना संक्रमणका कारण थप एक जनाको मृत्यू भएको छ । नेपालगन्ज मेडिकल कलेज कोहलपुरमा एक जना कोरोना संक्रमित बिरामीको मृत्यु भएको हो ।
कात्तिक २६ गते कोरोना संक्रमण पुष्टि भएपछि उपचारमा रहेका उनको स्वास्थ्यमा सुधार नआउँदा कात्तिक ३० गते अर्थात आज आइतबार बिहान ८: ३० बजे मृत्यु भएको जिल्ला कोभिड १९ संकट व्यवस्थापन केन्द्रले जनाएको छ । बेलौरी नगरपालिका १ कन्चनपुरका ३२ वर्षिय पुरुषको उपचारका क्रममा मृत्यु भएको अस्पतालले पुष्टि गरेको छ ।
स्वास्थ्यमा समस्या आएपछि कात्तिक २३ गते शिक्षण अस्पताल कोहलपुरमा भर्ना भएका उनको कोभिड परीक्षणका लागि कात्तिक २५ गते श्वाब लिइएको थियो ।
मृतक पुरुष लामो समय देखि न्युरोको समस्याबाट पिडित रहेको परीवारले जनाएको छ । योसँगै जिल्ला बाहिरबाट उपचारका लागि बाँकेमा आइ मृत्यु भएकाहरुको संख्या ३७ पुगेको छ ।
यसअघि हिजो राती भेरी अस्पतालमा कैलालीका ६५ वर्षिय पुरुषको उपचारका क्रममा मृत्यु भएको थियो ।
सम्बन्धित खबर
