युक्रेन युद्धको अन्त्यको दृष्टिकोण
एसीपी संवाददाता
४ फाल्गुन २०८१, आईतवार १८:४८ मा प्रकाशित
राष्ट्रपति डोनाल्ड ट्रम्प र राष्ट्रपति भ्लादिमिर पुटिनले ९० मिनेटको वार्ता गरेपछि युद्ध अन्त्य गर्ने प्रमुख मापदण्डहरू तय गरेका छन्।
१. रसियाको नियन्त्रणमा रहेका युक्रेनी भूभागहरू रसियाकै हुनेछन्।
२. युक्रेन कहिल्यै पनि नाटोको सदस्य बन्न पाउने छैन।
३. युक्रेनमा कुनै पनि अमेरिकी सेना तैनाथ गरिने छैन।
४. रसियाले अबदेखि तटस्थ युक्रेनको सार्वभौमिकताको सम्मान गर्नेछ।
राष्ट्रपति ट्रम्प र राष्ट्रपति पुटिनबीचको वार्ताअघि युक्रेनी राष्ट्रपति भोलोडिमिर जेलेन्स्की तथा युरोपेली संघ (ईयू) का नेताहरूलाई कुनै परामर्श दिइएन। उनीहरूलाई थाहा हुनुपर्ने थियो कि राष्ट्रपति पदका उम्मेदवारको रूपमा ट्रम्पले अमेरिकी जनतालाई युद्ध तुरुन्त अन्त्य गर्ने बचन दिएका थिए। तर बाइडेन प्रशासनसँग मिलेर युक्रेन युद्ध लम्ब्याउनेहरूलाई राष्ट्रपति ट्रम्पले किन परामर्श दिन्थे भन्ने प्रश्न उठ्न सक्छ।
युरोपेली संघकी प्रमुख उर्सुला भोन डेर लेयेनले अमेरिका रूसप्रति कठोर रहनुपर्ने बताइन्, किनकि युक्रेन युद्धको परिणाम “इन्डो-प्यासिफिक” क्षेत्रमा पनि असर पार्न सक्छ। उनी रूस सफल भएमा चीनले पनि त्यस्तै कदम चाल्न सक्ने चेतावनी दिँदै थिइन्। तर अमेरिकी प्रशासन यस्तो डर देखाएर प्रभाव पार्न गइरहेको देखिँदैन। राष्ट्रपति ट्रम्प स्पष्ट रूपमा यो युद्ध युक्रेनलाई नाटो सदस्य बनाउने प्रयासकै कारण भएको बताएका छन्, जुन रसियाको रातोरेखा (रेडलाइन) थियो।
सम्भवत: रसिया र नयाँ युक्रेन राष्ट्रको सीमामा शान्ति सेना (युरोपेली राष्ट्रहरूको संलग्नतामा) तैनाथ गरिनेछ। त्यहाँ कुनै सैन्य विमान उड्न नपाउने क्षेत्र (नो-फ्लाई जोन) पनि हुन सक्छ। यसले युक्रेनको सार्वभौमिकता सुरक्षित गर्ने र भविष्यमा रसियाबाट हुने सम्भावित आक्रमणको जोखिमलाई कम गर्ने अपेक्षा गरिएको छ।
युक्रेन-रसिया युद्ध अन्त्यका लागि अन्तिम सन्धि अमेरिका, रसिया, युरोपेली राष्ट्रहरू र युक्रेनका प्रतिनिधिहरूले मिलेर तय गर्नेछन्। युरोपेली संचारमाध्यम र नेताहरूले युद्ध अन्त्य टाढा रहेको संकेत गरे पनि राष्ट्रपति ट्रम्पले यो रक्तपातपूर्ण युद्ध तुरुन्त अन्त्य गर्ने अठोट गरिसकेका छन्। वार्ता सुरु हुनासाथ युद्धविराम घोषणा हुनसक्ने देखिन्छ।भुटानखबर
सम्बन्धित खबर
