लण्डनमा विशाल प्रदर्शन: इजरायली आक्रमणविरुद्ध सयौं हजारको मार्च, @Hindus4HR को सहभागिता
एसीपी संवाददाता
७ जेष्ठ २०८२, मंगलवार १८:३३ मा प्रकाशित
लण्डन, १८ मे २०२५ – गाजामा जारी इजरायली आक्रमणविरुद्ध आज लण्डनका सडकहरूमा विशाल प्रदर्शन सम्पन्न भयो। “फ्री प्यालेस्टाइन” नारासहित हजारौं प्रदर्शनकारीहरू इजरायलको गाजामाथिको आक्रमणलाई “नरसंहार” (Genocide) भन्दै विरोधमा उत्रिएका थिए।
यस ऐतिहासिक प्रदर्शनमा @Hindus4HR (Hindus for Human Rights) का प्रतिनिधिहरूले पनि सक्रिय सहभागिता जनाएका थिए। उनीहरूले युद्ध अपराध र मानवता विरुद्धका अपराधहरूको प्रमाण स्पष्ट रहेको भन्दै अन्तर्राष्ट्रिय समुदायसँग तत्काल युद्धविराम र न्यायको माग गरेका छन्।
@Hindus4HR का एक प्रतिनिधिले भने, “गाजामा भइरहेको मानवीय संकटबारे अब नदेख्ने, नसुन्ने र नबोल्ने समय होइन। हामी सबै मिलेर शान्ति, न्याय र मानव अधिकारको पक्षमा उभिनुपर्छ।”
प्रदर्शनमा सहभागीहरूले इजरायली कारबाहीलाई अन्तर्राष्ट्रिय कानूनको उल्लङ्घन भन्दै युद्ध अपराधको रूपमा मूल्याङ्कन गर्नुपर्ने माग गरेका छन्।
यस प्रदर्शनमार्फत विश्वभरि फैलिरहेको “फ्री प्यालेस्टाइन” आन्दोलनमा लण्डनले पुनः एक बलियो सन्देश दिएको छ – कि मानव अधिकारको पक्षमा कुनै धर्म, जात वा राष्ट्रको सीमा हुँदैन।
सम्बन्धित खबर
