दर्जनौं राउण्ड अश्रु ग्यास, हवाई फायर र लाठी चार्ज,कयौं व्यक्ति घाइते
एसीपी संवाददाता
२९ आश्विन २०७७, बिहीबार ०३:३३ मा प्रकाशित
तस्बिर से्तोखरी
नेपाली कांग्रेसले सर्लाहीमा जाहेरी दर्ता गराउन गएकाहरूलाई प्रहरीले लाठीचार्ज गरेको बताएको छ।
सर्लाही रामनगर गाउँपालिका ७ का महेन्द्र रामको गत असोज २२ मा हत्या भए पनि अहिलेसम्म प्रहरी प्रशासनले शव वीरगञ्जको नारायणी अस्पतालमा राखेको र जाहेरीसमेत दर्ता नगरेको विरोधमा बुधबार कांग्रेसले प्रदर्शन गरेको थियो।
चीनले भूमि अतिक्रमण गरेको विषयमा सरकारी मौनता राष्ट्रघात भएको दावी
पीडितलाई न्याय दिलाउन कांग्रेस सर्लाहीले शान्तिपूर्ण विरोध गरे पनि सुरक्षाकर्मीले लाठीचार्ज गरेको कांग्रेसले निकालेको विज्ञप्तिमा उल्लेख छ।
कांग्रेस मुख्यसचिव कृष्णप्रसाद पौडेलले शान्तिपूर्ण विरोध प्रदर्शनका क्रममा सुरक्षाकर्मीले लाठी चार्ज र अश्रुग्यास प्रहार गरी प्रदर्शनकारीहरुलाई गम्भीर घाइते बनाएको घटनाप्रति पार्टीको गम्भीर ध्यानाकर्षण भएको उल्लेख गरेका हुन्।
‘मृतकका तर्फबाट जाहेरी दरखास्त दर्ता गराउन जिल्ला प्रहरी कार्यालय जाँदा सुरक्षाकर्मीको लाठी प्रहारबाट मृतककी श्रीमती, भाई एवं अन्य ३ महिला समेत घाइते भएका छन्,’ उनले निकालेको विज्ञप्तिमा भनिएको छ।
- पशुपति मन्दिर खुल्ला गर्नुपर्ने भन्दै धार्मिक संगठन द्वारा धर्ना
- “थरुहट प्रदेशको सिमान्कन संशोधन बिना देउखुरीलाई राजधानी बनाउने कुरामा हाम्रो घोर आपत्ति
- नेपाल र दाहालको एकता प्रधानमन्त्री ओली पक्ष बिफल
उक्त घटनामा संघीय संसदका सदस्यद्वय कांग्रेस जिल्ला सभापति नागेन्द्रकुमार राय र डा. अमरेशकुमार सिंह, प्रदेश सांसदद्वय उपेन्द्र कुशवाहा र वीरेन्द्रप्रसाद सिंहमाथि समेत प्रहरीले दुर्व्यवहार गरेको कांग्रेसको भनाइ छ।
दुई जनालाई सुरक्षाकर्मीले गिरफ्तार गरेको पनि पौडेलले बताए। ‘दर्जनौं राउण्ड अश्रु ग्यास, हवाई फायर र लाठी चार्जका कारण कयौं व्यक्ति घाइते भएका छन्,’ उनले भने।
पक्राउ परेका व्यक्तिहरुलाई रिहाई गर्न, मृतकका परिवारको जाहेरी दर्ता गर्न, पीडित परिवारलाई न्याय दिन र आवश्यक क्षतिपूर्तिको व्यवस्था गर्न कांग्रेसले माग गरेको पौडेलले बताए।से्तोखरीबाट तस्बिर
सम्बन्धित खबर
