बुटवलमा आन्दोलन चर्किदै
एसीपी संवाददाता
१९ आश्विन २०७७, सोमबार ०४:०५ मा प्रकाशित
प्रदेश ५ को राजधानी दाङ तोक्न प्रदेश सरकारले गरेको प्रस्तावविरुद्ध बुटवलमा आन्दोलन चर्किदै छ
प्रदेश ५ को राजधानी दाङ तोक्न प्रदेश सरकारले गरेको प्रस्तावविरुद्ध बुटवलमा आन्दोलन चर्किन थालेको छ । रुपन्देहीलाई स्थायी राजधानी तोकिनुपर्ने माग राख्दै यहाँका व्यवसायीसमेत सडकमा उत्रिएका छन् ।
सरकारको प्रस्तावविरुद्ध कांग्रेसले बन्दसहितका कार्यक्रम राखेको अवस्थामा आइतबार बिहानै यहाँका व्यवसायीहरूले बुटवलमा प्रदर्शन गरेका छन् । आन्दोलन चर्किन थालेपछि प्रशासनले बुटवलका विभिन्न स्थानमा निषेधाज्ञा जारी गरेको छ ।
रुपन्देहीका व्यावसायिक संघसंस्थाहरूले उक्त प्रस्ताव सच्याउन आग्रह गर्दै आन्दोलनमा उत्रिएको जनाएका छन् । बुटवल उद्योग वाणिज्य संघ, रुपन्देही उद्योग संघ, रुपन्देही व्यापार संघसहितका रुपन्देहीका व्यावसायिक संघसंस्थाले उक्त प्रस्तावको विरोध गर्दै फिर्ता गर्न सरकारलाई दबाब दिन संघर्ष समितिसमेत गठन गरेका छन् ।
बुटवल उद्योग वाणिज्य संघ रुपन्देहीका अध्यक्ष खिमबहादुर हमालको संयोजकत्वमा १५ सदस्यीय संघर्ष समिति गठन भएको छ । प्रदर्शनकारीले सांसदहरूलाई ‘माननीयहरू होसियार, फेरि भोट चाहिन्छ कि चाहिँदैन’ भन्दै नारा लगाएका थिए ।
- चीनले नेपालको भूमि हडपेको तथा सगरमाथा पनि गुगल म्यापमा आफ्नोतिर पारेको दावी गर्दै विरोधमा प्रदर्शन
- चीनले भूमि मिचेको भन्दै काठमाडौँमा प्रदर्शन,युवाहरु पक्राउ
- स्थायी राजधानी सार्ने बिवाद,कांग्रेसको बन्द बन्दका कारण जनजीवन प्रभावित
- बुटवलमा निषेधाज्ञाका बिच पनि प्रदर्शन जारी
यता मुख्य प्रतिपक्ष दल नेपाली कांग्रेसले आह्वान गरेको बन्दको प्रभाव विभिन्न क्षेत्रमा परेको छ । कांग्रेसले बन्ददेखि प्रदेश सभा घेराउ गर्नेसम्मका कार्यक्रम तय गरेको छ ।
कांग्रेस रुपन्देहीका सचिव रामकृष्ण खाणका अनुसार कांग्रेसले ‘सोमबार बुटवल जाऔँ, राजधानी जोगाऔँ’ नाराका साथ प्रदेश सभा घेराउ गर्ने निर्णय गरेको छ । असोज १९ मा प्रदेश सभा बैठक बसेर प्रस्तावमाथि छलफल गर्ने कार्यसूची तय भएको छ ।साभार – नयाँ पत्रिका
मुख्यमन्त्री शंकर पोखरेलको गाडीमा ढुंगा प्रहार
सम्बन्धित खबर
[…] बुटवलमा आन्दोलन चर्किदै […]