मुख्यमन्त्री शाही आफै भन्छन् चीनद्वारा सीमा मिचिएको छ छानविन गरौं
एसीपी संवाददाता
४ कार्तिक २०७७, मंगलवार १०:४९ मा प्रकाशित
कर्णाली प्रदेशका मुख्यमन्त्री महेन्द्रबहादुर शाहीले हुम्लामा चीनद्वारा सीमा मिचिएको विषयमा छानविन गर्न माग गरेका छन् । भूमि मिचिएको कुरा फोटोसहित आइरहेको भन्दै तत्काल छानविन गरेर मिचिएको भए भूमि फिर्ता गराउन केपी ओली नेतृत्वको संघीय सरकारसँग माग गरेका हुन् ।
- तुर्किस्तान मुस्लिम अल्पसंख्यक माथी सिन्जियाङमा नरसंहार भएको दावी
- चीनले शुरु गर्यो जग्गा नापने काम नेपालले कहिले शुरु गर्ने
पत्रकार ऋषि धमलाको जनता जान्न चाहन्छन् कार्यक्रममा मुख्यमन्त्री शाहीले चीनसँग सम्वाद गरेर मिचिएको भूमि फिर्ता ल्याउनुपर्ने बताए ।
उनले भने, ‘त्यहाँबाट निर्वाचित प्रदेश सांसद जीवन बहादुर शाहीले धेरै ठाउँमा ईन्टरभ्यु दिएको कुरा मैले सुनेको छु । उहाँ आँफै पनि त्यहाँ गएर भिजिट गरेर आएको फोटो मैले देखेको छु । यसका बारेमा बोल्ने वा नबोल्ने भन्दापनि नेपालको भूमि अतिक्रमण हुन दिनुहुँदैन् । नेपालको एक ईन्च भूमि पनि अतिक्रमण हुन दिनुहुँदैन् । यसमा हाम्रो भूमि कहीँ कतै दायाँ बायाँ भएको छ भने हाम्रो भूमि फिर्ता गर्न हामी लाग्नुपर्छ । कुनै राष्ट्रले हाम्रो भूमि अतिक्रमण गर्छ भने हामी कसैलाई पनि यो स्वीकार्य हुँदैन् । आफ्नो भूमि रक्षाको लागि हामीले आवश्यक पहलकदमी चाल्छौं ।’
- आफ्नो भू-भागलाई नेपालकै हो भन्न सरकार हिच्किचाएको छ-सिंह
- नेपाली भूमि मिचिएको भन्दै प्रधानमन्त्रीलाई ज्ञापनपत्र
- दुई मन्त्री ३ सांसद टोलीको चीन नाकामा स्वागत त परे जाओस सामान्य शिष्टाचार पनि गरेनन्
अन्तर्राष्ट्रिय सिमाको कार्यक्षेत्र संघीय सरकारको भएको उल्लेख गर्दै मुख्यमन्त्री शाहीले भने,‘संघीय सरकराले यसको बारेमा अध्ययन गर्नुपर्छ । अतिक्रमण भएको छ भने दुई पक्षबीच ९चीन० सँग सम्वाद अघि बढाउनुपर्छ । नेपाली भूमि फिर्ता ल्याउनुपर्छ ।’
हुम्लाका सत्तारुढ जनप्रतिनिधि र प्रशासन तथा केन्द्र सरकारले भूमि मिचिएकै छैन, चीनकै भूमि हो भनिरहेका बेला मुख्यमन्त्री शाहीले भने भूमि मिचिएको संकेत गरेका छन् । साथै फिर्ता ल्याउनका लागि केन्द्र सरकारको ध्यानाकर्षण गराएका हुन् । साभार / नेपालपानाबाट
[…] मुख्यमन्त्री शाही आफै भन्छन् चीनद्वा… […]
[…] मुख्यमन्त्री शाही आफै भन्छन् चीनद्वा… […]