४ बैशाख २०८१, मंगलवार

भारतबाट नेपाली आउने क्रम बढे पछि यातायात व्यवसायी स्वास्थ्यको जोखिम मोल्दै सेवा दिन बाध्य

एसीपी संवाददाता

१३ जेष्ठ २०७७, मंगलवार ०७:०२ मा प्रकाशित

   भारतबाट बाँके लगाएत सिमानाकामा नेपाली आउने क्रम बढे पछि नेपालगन्जका यातायात व्यवसायी हरुले स्वास्थ्यको जोखिम मोल्दै सेवा दिन बाध्य भएका छन् । लकडाउन शुरु भएसँगै बन्द भएको यातायात ब्यवसाय भारतबाट आउने नेपाली नागरिकलाई उनिहरुको गृह जिल्ला पठाउन प्रशासनको आग्रह अनुसार सेवा शुरु गरेका छन् ।

   अहिले नेपालगन्ज बसपार्कमा केही दिन देखि यता बस व्यवसायीको चहलपहल देखिन शुरु भएको छ । स्थानीय प्रशासनको आग्रहमा नेपालगन्जको जमुनाह नाकामा जम्मा भएका मानिसहरुलाई उनिहरुको जिल्ला पठाउन यातायात ब्यवसायीहरुले सेवा दिन थालेका हुन् ।

   भेरी बस ब्यवसायी समितिका कोषाध्यक्ष कृष्ण प्रसाद सुबेदीले सरकारबाट ब्यवसायीलाई कुनै सुबिधा नभएको बताउनुभयो  । स्थानीय तह र प्रशासनको आग्रहमा आँफुहरुले सेवा दिइरहेको बागेश्वरी यातायात समितिका इन्चार्ज विनोद रिजालले बताउनुभयो । तर सरकारले गाडी चालक, सहचालकहरुको स्वास्थ्यको विषमा गम्भिरता नदेखाएको रिजालले गुनासो पोख्नुभयो । प्रशासनको आग्रहमा ज्यान जोखिममा राखेर सेवा दिएपनि नेपाल सरकारले यातायात मजदूरहरुको स्वास्थ्यका विषयमा पनि कुनै चासो नदिएको बस ब्यवसायीहरुको गुनासो छ ।

0 0 votes
Article Rating
Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x